അനുഭവക്കുറിപ്പ് - എങ്ങനെ സ്നേഹിക്കാതിരിക്കും ❤️

എങ്ങനെ സ്നേഹിക്കാതിരിക്കും
ഇന്നലെ കൂട്ടിവെച്ച കുറേ അധികം വേദനകളുമായി പ്രഭാതത്തില്‍ ഞാന്‍ ഉണര്‍ന്നു. ആ വേദനകളുമായി കുറച്ചു നിമിഷങ്ങള്‍ തള്ളി നീക്കി. എന്റെ മനസ്സിന്റെ ഭാരം കുറക്കുവാനും, ശരീരത്തിന്റെ ഉന്മേഷത്തിനായും തെരുവിലേക്ക് നടക്കാനിറങ്ങി. സാധാരണയില്‍ കവിഞ്ഞ ഒരു കാഴ്ചകളും തെരുവിലില്ലായിരുന്നു. തമിഴ് തെരുവിനെ അലങ്കരിച്ചുകൊണ്ടു പാതയുടെ ഇരുപുറങ്ങളിലും നില്‍ക്കുന്ന പച്ചപ്പശിമയാര്‍ന്ന വൃക്ഷങ്ങളും, ചെടികളും. ചുവപ്പും, മഞ്ഞയും, റോസ് നിറങ്ങളിലുമുള്ള പൂക്കളും, അങ്ങിങ്ങ് തന്റെ പ്രഭാവത്തെ വേറിട്ട്‌ തെളിയിച്ചുകൊണ്ട് വെള്ളനിറ പൂക്കളും. പ്രഭാതത്തില്‍ നനുത്ത തലോടലുമായി എന്നെ ഇടതടവില്ലാതെ തഴുകികൊണ്ടിരുന്ന കുളിര്‍തെന്നല്‍. ആരും പറയാതെ, ആരുടെ അനുവാദത്തിനും കാത്തിരിക്കാതെ എല്ലാറ്റിനെയും - മനുഷ്യരെയും, പക്ഷികളെയും, മൃഗങ്ങളെയും, വൃക്ഷങ്ങളെയും, എന്തിനേറെ തെരുവില്‍ നിരനിരയായ് കിടക്കുന്ന വാഹനങ്ങളിലും - ഒരു പോലെ തന്റെ  സ്വാന്തനം നല്‍കി പ്രഭാതത്തിന്റെ കുളിര്‍മയെ ഓര്‍മ്മിപ്പിച്ചുകൊണ്ട് വീണ്ടും കടന്നു പോയിക്കൊണ്ടേയിരുന്നു. ഉടനെ എന്റെ മനസ്സിന്റെ ഭാരം കുറച്ചു കുറഞ്ഞതുപോലെ തോന്നി. ഈ അനുഭവം എന്റെ ചിന്തകളെ കൊണ്ടെത്തിച്ചത് ദൈവത്തിന്റെ  ഒരോ സൃഷ്ടിക്കും മനുഷ്യന്റെ മനസ്സിനെ സ്പര്‍ശിക്കുവാന്‍ സാധിക്കും എന്ന കണ്ടെത്തെലിലേക്കാണ്. എന്റെ നടത്തത്തിന് വേഗതയും  എനിക്ക് ഉന്മേഷവും ലഭിക്കുന്നതായി ഞാന്‍ തിരിച്ചറിഞ്ഞു. ഞാന്‍ ചിന്തിച്ചു, ആരും അറിയാതെ ആരോടും പങ്കുവെക്കാതെ എന്റെ മനസ്സിന്റെ അടിത്തട്ടില്‍ ഒളിപ്പിച്ചുവച്ച  വേദനകളെ  വിടുവിക്കുവാന്‍ ദൈവം പ്രഭാതത്തെ ഇത്ര മനോഹരമാക്കിയിരിക്കുന്നുവോ?. എനിക്ക് ചെടികളോടും പ്രഭാതത്തിലെ കുളിര്‍തെന്നലിനോടും അഗാധമായ പ്രണയ ബന്ധം  ഉള്ളതു പോലെ തോന്നി. ഞാന്‍ നടന്നു നീങ്ങി കൊണ്ടിരുന്ന കൊണ്‍ക്രീറ്റ് പാതയും ഇരു വശങ്ങളിലും ഉയര്‍ന്നു നില്‍ക്കുന്ന ചെറുതും വലുതുമായ കെട്ടിടങ്ങളും എല്ലാം ദൈവം  മനുഷ്യനില്‍ നിക്ഷേപിച്ച കഴിവുകളുടെ വിവിധ ഭാവഭേദങ്ങള്‍ എന്ന് ഞാന്‍ വിലയിരുത്തി. തമിഴ് തെരുവുകളോട് എനിക്ക് ഏറ്റവും സ്നേഹം തോന്നി. എന്നെ എന്റെ ദൈവത്തോട് അടുപ്പിച്ച്, ദൈവസ്നേഹത്തെ തിരിച്ചറിയുവാന്‍ അവിടുന്ന്‌ തിരഞ്ഞെടുത്ത ഈ ദേശത്തെ ഞാന്‍ എങ്ങനെ സ്നേഹിക്കാതിരിക്കും!
മനുഷ്യനെ എങ്ങനെ സ്നേഹിക്കാതിരിക്കും!
കാറ്റിനെ എങ്ങനെ സ്നേഹിക്കാതിരിക്കും!
കടലിനെ എങ്ങനെ സ്നേഹിക്കാതിരിക്കും!
ചെടികളെ എങ്ങനെ സ്നേഹിക്കാതിരിക്കും!
പൂക്കളെ എങ്ങനെ സ്നേഹിക്കാതിരിക്കും!
മണല്‍തരികളെ എങ്ങനെ സ്നേഹിക്കാതിരിക്കും!
കാര്‍മേഘങ്ങളെ എങ്ങനെ സ്നേഹിക്കാതിരിക്കും!
കുളിര്‍തെന്നലിനെ എങ്ങനെ സ്നേഹിക്കാതിരിക്കും!
നീരോഴുക്കിനെ എങ്ങനെ സ്നേഹിക്കാതിരിക്കും!
നീരുറവകളെ എങ്ങനെ സ്നേഹിക്കാതിരിക്കും!
മാന്‍പേടകളെ എങ്ങനെ സ്നേഹിക്കാതിരിക്കും!
മനുഷ്യന്റെ ചിന്തകളെ എങ്ങനെ സ്നേഹിക്കാതിരിക്കും!
മനുഷ്യനെ സൃഷ്‌ടിച്ച, ഈ പ്രപഞ്ചത്തെ ഇത്ര മനോഹരമായ്‌ സൃഷ്‌ടിച്ച, സൃഷ്ടാവാം ദൈവത്തെ ഞാന്‍ എങ്ങനെ സ്നേഹിക്കാതിരിക്കും!
അതെ അത്യധികമായി  ഞാന്‍ എന്റെ ദൈവത്തെ സ്നേഹിക്കുന്നു, ഈ ഭൂമിയിലെ എല്ലാറ്റിനുമുപരിയായി......

- ബ്ലെസ്സി.

Comments

Post a Comment

Popular posts from this blog

ഓർമ്മ

മനസ്സിന്റെ മണിചെപ്പിൽ ഒരായിരം കവിതകൾ വിരിഞ്ഞു. അത് ഓർമ്മയുടെ അടിത്തട്ടിൽ നിന്നും വിരിഞ്ഞ മലരായ് മണം പരത്തി. ആർക്കും തൊട്ടുനോക്കാൻ കഴിയാത്ത മനസ്സിന്റെ ആഴങ്ങളിൽ വേരുറപ്പിച്ച അത്ഭുതചെടി. ആ ചെടിയിൽ വിരിയുന്ന പൂക്കൾക്ക് ഓരോ കാലങ്ങളുണ്ട്. അതിൽ വിരിയുന്ന പൂക്കൾക്കും ചെടികൾക്കും ഒരേ പ്രായം. അതിൽ നിമിഷസ്വപ്നങ്ങൾ ദീർഘസ്വപ്‌നങ്ങൾ. ആ സ്വപ്‌നങ്ങൾ വെളിയേറ്റവും ഇറക്കവും ഉണ്ട്. സ്വപ്നങ്ങളും ദുഖങ്ങളും ആ വേലിയേറ്റത്തിലും ഇറക്കത്തിലും പങ്കാളികളാകുന്നു. രാവും പകലും പോലെ, നന്മയും തിന്മയും പോലെ, അകലവും അടുപ്പവും പോലെ എന്തിനേറെ ജീവന്റെ തുടിപ്പും മരണത്തിന്റെ തുടിപ്പും പോലെ. എല്ലാം ഒന്നിനൊന്നിനോട് ചേർന്നുനിൽക്കുന്നു. ആർക്കും വേർതിരിക്കാനാവാത്ത ജീവൻ മുതൽ മരണം വരെ വേർപിരിയാത്ത അഭേദ്യമായ എന്തെല്ലാമോ? നമ്മെ തൊടുന്നു നമ്മിൽ വസിക്കുന്നു നമ്മോടൊത്തു യാത്രചെയ്യുന്നു. നമ്മെ നാമായി ഒന്നു ചേർക്കുന്നു. ഞാനും നീയും നാമാകുന്ന സമൂഹവും എല്ലാം അറിയുന്നു, എന്നു നിനയ്ക്കുന്നു, എന്നാൽ നാം ഒന്നും അറിയുന്നില്ല."കാലത്തിന്റെ മാറ്റങ്ങൾ നമ്മെ അറിയിക്കുന്നു". സൃഷ്ടവിന്റെ മുൻപിൽ സൃഷ്ടി വെറും "പൂജ്യം "എന്ന്!
Read more

ചെറുകഥ - അനുഭവപാഠം

അനുഭവപാഠം ഞാന്‍ ചിന്തിച്ചു , ഞാന്‍ ആരാണ് ? എല്ലാവരെയും പോലെ ഒരുവള്‍. എല്ലാ മനുഷ്യരെയും പോലെ  ഒഴുക്കിനൊത്ത് നീന്തുന്നവള്‍. സാഹചര്യങ്ങള്‍ക്കനുസരിച്ച് മാറുന്ന മനുഷ്യ ജീവിതം. ഞാന്‍ ചിന്തിച്ചു, അവള്‍ ആരാണ്? എന്റെ ഉറ്റ കൂട്ടുകാരി അനിതയോ ? അങ്ങനെയൊരു പേര് എന്റെ ഓര്‍മയില്‍ പോലും ഇല്ലല്ലോ ? ഞാന്‍ ആരെക്കുറിച്ച് ചിന്തിക്കുന്നു. എന്റെ ചിന്തകള്‍ക്കിടയില്‍ അനിതയെ ഞാന്‍ എനിക്കഭിമുഖമായി നിറുത്തി. ഞാന്‍ ചോദിച്ചു നീ എന്നെ അറിയുമോ ? അപ്പോള്‍ അവള്‍ പറഞ്ഞു , നാലാം ക്ലാസ്സില്‍ ടീച്ചറിന്റെ അടി വാങ്ങിയപ്പോള്‍ നീ എങ്ങി എങ്ങി കരഞ്ഞപ്പോള്‍ എന്റെ അപ്പ എനിയ്ക്ക് വാങ്ങിതന്ന  മിഠായി  രണ്ടായി മുറിച്ചു പകുതി നിനക്ക് തന്നത് ഒഴുകുന്ന കണ്ണുനീര്‍ തുടച്ചുകൊണ്ട് നീ വാങ്ങി വായിലിട്ടു നുണഞ്ഞത് നീ മറന്നുവോ ? അവള്‍ ആ കഥ ഓര്‍മ്മപ്പെടുത്തുമ്പോള്‍ എന്റെ കണ്‍കോണുകളില്‍ കണ്ണുനീര്‍ത്തുള്ളി തളം കെട്ടി. ഞാന്‍ ചിന്തിച്ചു, ആരോടാണ് ഞാന്‍ സംസാരിക്കുന്നത് ഇത്രയും ഹൃദയ സ്പര്‍ശിയായി? ചിന്തകളും ഓര്‍മകളും കണ്ടുമുട്ടി സംസാരിച്ചതല്ലേ , മണ്ടി. - ബ്ലെസ്സി.
Read more

ചെറുകഥ - സ്നേഹ ചങ്ങല 💞

Image
സ്നേഹ ചങ്ങല        ഞാന്‍ എങ്ങോട്ടോ നടന്നുകൊണ്ടേയിരുന്നു …   എന്റെ നടത്തം വേഗത കൂടുതലോ കുറവോ എന്നൊന്നും എനിക്കറിയില്ല ? ഞാന്‍ ചിന്തിച്ചു എങ്ങോട്ടുപോകുന്നു ?, അറിയില്ല. എന്റെ കാലടികള്‍ക്ക്  എന്റെ ചിന്തകളുമായി യാതൊരു ബന്ധവും ഇല്ലായെന്ന് തോന്നി. രാത്രിയുടെ യാമങ്ങളില്‍   പതിയിരിക്കുന്ന - അക്രമങ്ങളിലേയ്ക്ക്  എന്റെ ചിന്തകള്‍ ഓടിമറഞ്ഞു. ഭയത്തോടുകൂടി ഞാന്‍ റോഡിനരികിലൂടെ അധിവേഗം നടന്നു. നിരത്തിലൂടെ   ഒഴുകി നീങ്ങിക്കൊണ്ടിരിക്കുന്ന വാഹനങ്ങളും, എന്നെ ശ്രദ്ധിക്കുന്നവരുടെ കണ്ണുകളും എന്നെ കൂടുതല്‍ ഭയപ്പെടുത്തി. അപ്പോഴും എന്റെ പ്രവര്‍ത്തനത്തിനും, ചിന്തയ്ക്കും, ആലോചനയ്ക്കും ഒരു ബന്ധവും ഇല്ലായെന്നുള്ളത് എന്നെ വീണ്ടും ഭയത്തിലേയ്ക്ക് നയിച്ചു. ഞാന്‍ തിരിച്ചറിഞ്ഞു എന്നെ നിയന്ത്രിക്കുവാന്‍ പറ്റാത്ത എന്റെ ശോചനീയാവസ്ഥ ! പരസ്പരം ബന്ധമില്ലാത്ത എന്റെ അവസ്ഥകളെ നിയന്ത്രിക്കുവാന്‍ ഒന്‍പത്(9) വയസ്സുകാരി എന്റെ കൈകളില്‍ മുറുകെപ്പിടിചു. ഒരു സ്നേഹത്തിന്റെ നനുത്ത സ്പര്‍ശനം - അവള്‍ എന്നെ കരുതലോടെ, എന്റെ ഭവനത്തില്‍ എത്തിച്ചു. ഞാന്‍ സുരക്ഷിതയായതുപോലെ തോന്നി . മനുഷ്യ ഹൃദയങ്ങളെ കൂട്ടിയിണക്കുന്ന സ്നേഹത്തിന്റെ ചങ
Read more