കവിത - പരിശുദ്ധത്മാവേ പ്രഭാത വന്ദനം🙏
പരിശുദ്ധാത്മാവേ
പ്രഭാത വന്ദനം
ഞാന്‍ ഉണര്‍ന്നു
പ്രഭാതത്തില്‍.
എന്‍ പഞ്ചേന്ത്രിയങ്ങള്‍
ഗ്രഹിച്ചു പ്രഭാതത്തെ.
ഞാന്‍ ഉണര്‍ന്നു
പ്രഭാതത്തില്‍.
എന്‍ ഹൃദയം ഗ്രഹിച്ചു
ആത്മാവിന്‍ തേങ്ങല്‍.
എന്‍ ഹൃദയം ഉയര്‍ന്നു
പിതാവിലേക്കും പുത്രനിലേക്കും
പരിശുദ്ധാത്മ
ചൈതന്യത്തിലേക്കും.
ഞാന്‍ കേട്ടു ജപമാല
മണികള്‍ എന്‍ ഹൃദയത്തില്‍.
ഞാന്‍ അറിഞ്ഞു എന്‍
നാവിന്‍ ചലനം.
ഞാന്‍ അറിഞ്ഞു എന്‍ കണ്‍കളില്‍
ആത്മീയ തിളക്കം.
ഞാന്‍ അറിഞ്ഞു എന്നെ
പുതപ്പിക്കുന്ന പരിശുദ്ധി തന്‍ നിറവ്.
തണുപ്പായ് കാറ്റായി തലോടലായി സ്നേഹമായി ആത്മ
ചൈതന്യമായ്,
ഓ എന്‍ ജീവന്റെ
തുടിപ്പായി!
പരിശുദ്ധാത്മ ചൈതന്യമേ
ഈ പ്രഭാതം അങ്ങേയ്ക്ക് സമര്‍പ്പിക്കുന്നു ഞാന്‍.
- ബ്ലെസ്സി
Comments
Post a Comment